وعد لايموت
الشاعرة نور خليل
متقولش سني ولا سنك
الحب ما يعرفش سن
أنا قلبي لما أختارك
كان ميت وليك حن
أوعي تفكر علشان رفضوك
وقالوا عقله خلاص أتجن
يبقي يقدروا عني يبعدوك
بحلف بربي لغيرك ما أحن
دا إللي بيني وبينك وعد
مهما يحاولوا مفيش بُعد
هفضل يا حبيبي صاينه العهد
وعمري كلامهم ما يغير الود
علمت قلبي إزاي يحب
بعد ما كان قاسي القلب
بقي دلوقتي بيك مشغول
ولو غبت يوم عني أتعب
شبعنا كتير لوم وعتاب
مايعرفوش قلبي لسه شباب
حتي الملامح كمان أتغيرت
زي ما قال الكتاب
كل واحد يقدر نفسه
ما يستناش إللي يقدره
طول ما أنت عايش حب
متخليش حد لقلبك يكسره
يا ساده العمر رقم في بطاقه
عمره ما يفرق بين القلوب
طول ماالقلب لسه حي
السن علينا مش محسوب
طول ما القلب لسه حي
السن علينا مش محسوب
